नेपाल उद्योग वाणिज्य महासंघद्वारा आयोजना गरिने कर सम्बन्धी तालीम सञ्चालनका लागि प्रस्ताव आव्हान

करदाताहरुलाई कर सम्बन्धी जानकारी प्रदान गरी कर नियमको पालना प्रक्रियामा हुन सक्ने गल्तीहरु कम गर्ने उद्देश्यले नेपाल उद्योग वाणिज्य महासंघले सुनसरी, उदयपुर, सप्तरी, चितवन, स्यांग्जा, नवलपरासी र काठमाडौं जिल्लालाई लक्षित गरी सम्बन्धित जिल्लामा गई कर सम्बन्धी तालीम सञ्चालन गर्ने कार्यक्रम रहेको छ । उक्त तालीम सञ्चालन गर्न इच्छुक चार्टर्ड एकाउण्टेण्ट् फर्म वा कम्पनीहरुबाट प्रस्ताव आव्हान गरिएको छ ।

कामको विवरण
१.    (क)    मूल्य अभिवृद्धि करमा दर्ता भएका व्यवसायी करदाताहरुलाई लक्षित गरी माथि उल्लेखित प्रत्येक जिल्लामा आयकर तथा मुअकर सम्बन्धी तीन दिनको तालीम प्रदान गर्नु पर्नेछ ।

    (ख)     कार्यक्रमको कार्यतालिका महासंघले तोकेवमोजिम हुनेछ ।

    (ग)    उक्त तालीमको लागि हाल महासंघमा भएको Training Manual पुनरावलोकन तथा अद्यावधिक गर्ने कार्य छनौट भएको फर्म वा कम्पनीले गर्नुपर्नेछ साथै सम्बन्धित निकायसंगको समन्वयमा अन्तिम रुप दिनु पर्नेछ ।

३.    उपरोक्त तालीम समापनपश्चात् आवश्यक सुझाव सहितको प्रतिवेदन यस महासंघमा उपलब्ध गराउनु पर्नेछ ।

४.    तालीम दिन छनौट भएको फर्म वा कम्पनीसंग आवद्ध श्रोत व्यक्ति (Resource Person) महासंघद्वारा आयोजना गरिने Training Manual and Presentation Methodology सम्बन्धी दुई दिनको अभिमुखीकरण तालीममा अनिवार्य रुपमा सहभागी हुनुपर्नेछ ।

५.    फर्म वा कम्पनीको तर्फबाट छनौट भई अभिमुखीकरणमा भाग लिइसकेका यस्ता व्यक्तिहरू छनौट भएको मितिदेखि कम्तीमा ४ महिनासम्मको अवधिको लागि तालीम सञ्चालन गर्न अनिवार्य उपलब्ध हुनुपर्नेछ ।

६.    तालीम सञ्चालन गर्न खटिएका व्यक्तिहरुको जातेआते तथा वसोवासको प्रबन्ध महासंघले गर्नेछ ।

आवश्यक योग्यता तथा शर्तहरु:

१.    उपरोक्त तालीम सञ्चालन गर्नका लागि कम्तिमा ५ वर्ष अनुभव भएका ५ जनासम्म चाटर्ड एकाउण्टेण्ट्को नाम प्रस्ताव गर्नुपर्नेछ । सो मध्ये एउटा तालीममा कम्तिमा २ जना श्रोतव्यक्ति आवश्यक पर्नेछ ।

२.    प्रस्तावकले फर्म दर्ता लगायत आयकर र मुल्य अभिवृद्धि करमा दर्ता भएको प्रमाण पेश गर्नुपर्नेछ । साथै ICAN मा फर्म दर्ता नवीकरण भएको प्रमाण समेत पेश गर्नुपर्नेछ ।

३.    प्रस्तावकले उपरोक्त वमोजिम कार्य गर्न तोकिएका व्यक्तिहरुको नागरिकता, शैक्षिक योग्यता, तालिम तथा अनुभव सम्बन्धी प्रमाणपत्रको प्रतिलिपि र व्यक्तिगत विवरण (वायोडाटा) पेश गर्नु पर्नेछ ।

उपरोक्त शर्त वमोजिम कार्य गर्न इच्छुक फर्म वा कम्पनीले श्रोत व्यक्तिको प्रतिदिनको पारिश्रमिक विवरणसहितको शिलबन्दी प्रस्ताव २०७५ पौष ६ गते शुक्रबारसम्म नेपाल उद्योग वाणिज्य महासंघमा पेश गर्नुपर्नेछ । यसको अन्तिम निर्णय गर्ने अधिकार महासंघमा रहनेछ ।

अन्य जानकारीको लागि सम्पर्क:

नेपाल उद्योग वाणिज्य महासंघ
फोन : ०१– ४२६२०६१, ४२६२२१८
मोवाइल: ९८०११९२५७१
Email: [email protected], [email protected]