महासंघका अध्यक्ष राणाबाट सुर्खेतमा लगानीका अवसर र सम्भावना विषयक प्रोफाइल विमोचन (२०७४/३/२२)

नेपाल उद्योग वाणिज्य महासंघका अध्यक्ष भवानी राणाले सुर्खेतमा लगानीका अवसर र सम्भावना विषयक प्रोफाइलको आज एक समारोहका बीच महासंघ सचिवालयमा विमोचन गर्नुभयो । उक्त प्रोफाइल नेपाल उद्योग वाणिज्य महासंघ सचिवालयमा संचालित उच्च मूल्यका कृषि वस्तु विकास आयोजनाको सहयोगमा महासंघको सदस्य सुर्खेत उद्योग वाणिज्य संघले तयार पारेको हो । प्रोफाइलमा सुर्खेतमा रहेको व्यापार, पर्यटन, शिक्षा, स्वास्थ्य, व्यवसायिक कृषि, जलविद्युत, पूर्वाधार निर्माण, जडीवूटी लगायतका क्षेत्रमा लगानीका सम्भाव्यताका विषयहरु समेटिएका छन् ।