अध्यक्ष राणाबाट गोरखा उद्योग वाणिज्य संघको भवन उद्घाटन:

नेपाल उद्योग वाणिज्य महासंघका अध्यक्ष भवानी राणाले गोरखा उद्योग वाणिज्य संघ गोरखाको बिधान संशोधन बिशेष साधारण सभा तथा बहुउदेश्यीय भवनको जेठ २० गते गोरखामा एक कार्यक्रम बीच समुद्घाटन गर्नुभयो । 

उक्त कार्यक्रमलाई संवोधन गर्नुहुंदै अध्यक्ष राणाले अहिलेको बजेटले निजि क्षेत्रलाई सम्बोधन गर्न नसकेको बताउनु भयो । अध्यक्ष राणाले ‘निर्वाचन आचारसंहिता लागू भएर पनि होला, तर निजी क्षेत्रका धेरै पक्षहरु छुटेका बताउनु भयो । तथापी अध्यक्ष राणाले जिल्लाको आर्थिक समृद्धिमा लाग्न गोरखा उद्योग वाणिज्य संघलाई आग्रह समेत गनर््भयो ।  

आर्थिक समृद्धि र विकास अहिलेको आवश्यकता रहेको बताउँदै राणाले जिल्लाका सम्भावनालाई आर्थिक रुपमा परिचालन गरी आर्थिक समृद्धिमा जुट्न आग्रह गर्नुभयो । यसका लागि सहयोग गर्न महासंघ तयार रहेको उहाँले बताउनुभयो । बिकास र समृद्धि निजि क्षेत्र र सरकारको साझेदारीमा मात्र सम्भव हुने उहाँको भनाई छ ।

उद्योग वाणिज्य महासंघको गतिविधि सुस्त भएको भन्दै राणाले युवा परिचालन गरी दक्ष युवा जनशक्ति उत्पादनका लागि अभियान शुरु गर्ने तयारीमा रहेको उहाँले बताउनुभयो ।

अध्यक्ष राणाले गोरखा उद्योग वाणिज्य संघले बनाएको बहुउद्देश्यीय भवनको पनि उद्घाटन गर्नुभएको छ । करिब एक करोडको लागतमा उक्त भवन निर्माण भएको थियो । त्यस्तै संघले निर्माण गर्ने तयारी गरेको सभाहल निर्माण गर्नका लागी उहाँले ५० हजार सहयोग गर्ने प्रतिवद्धता समेत जनाउनुभयो ।